Go Centennial Freshies!

Well actually ang paniwala ko kami ang centennial freshies noong kapapasok ko pa lang sa UP pero ang incoming freshies pala ang may hawak ng distinction na ito, so, okay!

Nandun ako sa isa sa FOP na naganap sa Diosdado Macapagal Hall sa School of Economics dahil nag-usher/ assistant keme ako sa mga stage directors. Andaming freshies! At nakikita ko sa mukha nila enthusiastic din sila tulad ko noon. Excited, ganyan. Well I wish mag-enjoy sila first year nila sa UP!

Angweird lang na dinidiscourage ng admin na mag-org ang mga freshies na ultimo sa mga survival kits ng mga freshies ay bawal nang maglagay ng mga advertisements regarding orgs. Pati yung mga host ng FOP nung araw na yon ay parang nareprimand at pinaalalahanan na huwag magbanggit ng mga promotion ek-ek sa mga orgs. Angweird. Ang mga orgs naman lalo na yung mga academic orgs ay nandiyan naman para suportahan ang mga freshies lalo na sa mga academic needs nila. Siguro nakaapekto yung mga events na naganap sa mga frat last year kaya siguro naging ganito ang treatment ng admin sa mga orgs. Well, nasa handbook naman ng mga freshies na bawal magjoin ng frat in their first year.

Pero ito personal ko nang statement: MAKAKATULONG ANG ORGS SA MGA FRESHIES. According to personal experience na yan. Lalo na’t ang blocking system sa UP ay parang wala naman talagang kwenta, makakatulong ang orgs sa pagbuo ng relationship with other UP peeps. Importante ang socialization lalo na sa period of adjustment ng mga freshies dahil mahirap talaga yung walang kaibigan sa unang year.

Sa totoo lang nilu-look forward ko noong araw ng FOP na may makita akong Film freshies dahil ako noon ay napakaenthusiastic makakita talaga ng mga film students. Ganyan. Sa course na film kasi importante yung may mga kakilala ka at koneksyon, ganyan.

Mga freshies, go lang sa buhay! Kayang kaya nyo ang UP! Make a difference! Go sa acads! Go sa org! 😉

Katarungan para kay G. Xiao Chua

Bisitahin: http://truthxiaoprevail.multiply.com

Hindi man maalis ang pamumulitika sa Departamento ng Kasaysayan (o sa kahit saang parte pa ng mundo) ay sana naman bigyang linaw ang mga katanungan ng mamamayan sa mga tunay na dahilan ng hindi pagrerenew kay G. Michael Charleston B. Chua sa patuturo ng Kas 1. Sa aking palagay ay isa itong manipestasyon ng hindi makatarungan at suwail na pamamaraan na lumabag sa ilang mga batas tungkol sa employment at pati na rin sa mismong mga batas sa loob lamang ng unibersidad. Malugod naming matatanggap na mga tiga-suporta ni G. Chua kung may konkretong basehan at hindi pagkakatanggap muli sa kanya bilang guro. Ngunit hanggang sa panahon na ito ay wala pang pagpapaliwanag ang Departamento ng Kasaysayan tungkol sa mga desisyong iginawad nila ukol dito.

Isang napakapalalo at estupidong ideya naman siguro ang isipin na ang mga petisyong ito ay nanggaling mismo kay G. Chua at kami ay ginagawa lamang niyang mga kasangkapan. Mariin ko pong sasabihin na hindi na kailangan pang gisingin ni G. Chua ang sinuman dahil kami na mismo ay handang lumaban para sana’y mailabas ang katotohanan tungkol dito. Kahit na kailan ay hindi kami pinilit o sinabihan ni G. Chua na kumilos para sa kanya. Hindi kami mga alagad ni Sir Xiao. Mga alagad kami ng katarungan at katotohanan.

KATARUNGAN at KATOTOHANAN PARA KAY G. XIAO CHUA!